午飯過後，我走到醫院電梯大堂，準備回到辦公室。面前有個婆婆坐在輪椅上，一位應該是婆婆女兒的女仕一邊推着輪椅，一邊在喃喃自語。。。
「唉吔！都唔知捱唔捱到番去屋企呀，都話咗我買過部俾你㗎啦。」
「都話咗唔使囉，用得幾耐呀，宜家重用得就唔好哂。」婆婆坐在輪椅上着緊的答道。
電梯門緩緩打開，女兒推着輪椅前進，原來輪椅的車輪漏了氣，包裹着車輪的膠條鬆脱飛掉了出來，用最簡單的描述就是根本「爆肽」。
「唉！咁點行啫，你睇？」女兒顯得有點埋怨。
「得啦，咪嘈啦，仲用得。。。」婆婆堅持說。
到了二樓，女兒準備推着輪椅轉身離開，「爆咗肽」的輪椅根本難以轉動，女兒顯得有點尷尬，不停嘆氣。
再看看，原來婆婆腳踝打着石膏，應該是骨折了吧，到醫院二樓或許就是來見治療師。打了石膏，行動當然不便，但希望只是暫時性的。
老一輩大多省吃儉用，如非必要都不想亂花費金錢，尤其是花在自己身上的，更可況東西只是暫時性有用。就算後生的怎樣說，也未必能說服。
或許最佳辦法還是先斬後奏，錢已花了那不用就不是更浪費？
Search